طبق بيبر صوص والبطاطس بالساور كريم والجبنه مع أصابع الجلاش مقدمة من الشيف دينا فودة الفائزة في مسابقة سفينة الطهاة لدعم أصحاب الأكل البيتى.
مقادير بيبر صوص:
300جرام لحمه استيك
1 كوب مرقه
1كوب كريمه لباني
1عدد بصله صغيره
2عدد مكعب زبده
1ملعقه صغيره ملح
2ملعقه كبيره فلفل اسود مجروش
الطريقه :
نحضر طاسه ساخنه نضع فيها مكعب زبده ثم يتبل اللحم بالملح والفلفل ثم نضعها تأخذ صدمة حتي ياخد اللون ثم نضيف كوب مرقه ثم تغطي لمده 15 دقيقه حتي تمام النضج
ثم يرفع اللحمه في طبق اخر وفي نفس الطاسه نضع قطعة الزبده الثانيه ثم البصله وتشوح جيدا ومعها الفلفل الاسود المجروش ثم كوب الكريمه واللحمه ونتركها لمدة دقائق .
مقادير البطاطس بالساوركريم والجبنه :
2 عدد بطاطس مسلوقة ومبشوره
150جرام ساور كريم
نصف كوب صغير شبت
كوب جبنه شيدر صغير
ربع ملعقه ملح صغيره
الطريقه :
تسلق البطاطس ثم تبشر ثم نضيف
عليها الساوركريم ونصف كوب جبنه شيدر ثم نضيف الشبت والملح يقلب في بايريكس وعلي الوجه نضيف باقي الجبنه تدخل فرن ساخن حتي تاخد لون ذهبي ..وبالف هنا