علقت النجمة هند صبرى في تصريحات لـ اليوم السابع عن مقارنة الموسم الثانى من مسلسلها البحث عن علا، مع المسلسل الشهير Emily In Paris، خاصة أن كلاهما يعرض على منصة نيتفلكس.

ومن المقرر طرح الموسم الثانى من مسلسل البحث عن علا على منصة نيتفلكس يوم 26 سبتمبر الجارى، وسيتكون من 6 حلقات تطرح دفعة واحدة على المنصة.

وصرحت هند صبرى قائلة: "في مرحلة الكتابة كان عندنا مكالمة أسبوعية مع نيتفلكس علشان يسألونا وصلتوا لأيه، هتودوا علا فين مثلا، بيحبوا يعرفوا كويس أوى، كان معانا المنتج المنفذ الثانى في المكالمة، قام موطى كده لأن هو اللى معاه الفلوس، وحتى نيتفلكس في الأول اتخضوا لأنها من الدول المكلف التصوير فيها، خاصة أن Emily In Paris من كتر ما جاب سياح لـ فرنسا، ممكن تكون الحكومة هي اللى بتدفع علشان يتصور المسلسل هناك، لكن إحنا حاجة تانية مش دعاية لـ فرنسا خالص".

وتابعت هند صبرى قائلة: "القصة من غير ما أحرق برضه، القصة هي اللى ودتنا هناك في الموسم الثانى من البحث عن علا، نقلة طبيعية جدًا، خاصة أن إحنا عندنا منتصر الشخصية اللى بيقدمها محمود الليثى نفسه من الموسم الأول أنه يسافر فرنسا، والكواليس كانت صعبة جدا بالنسبة لى لأنى كنت مترجمة ومنتجة وممثلة، لكن ضحكنا جدًا".

وأكدت هند صبرى قائلة: "في اتنين فرنسا واحدة اللى ظهرت في Emily In Paris، وواحدة مختلفة اللى هتظهر في البحث عن علا 2".