الأحد ، 07 يوليو 2024 الساعة 11:00 (أحداث نت/ بسمة أحمد)
صدم الفنان المصري حسام حبيب الوسط الفني وكل عشاق الفنانة شيرين عبد الوهاب، وذلك بعدما خرج عن صمته عقب واقعة تعديه عليها.
ومن خلال تصريحات صحفية، قال حسام حبيب : قسما بالله العظيم ودي أول مرة هقول الكلام ده، يوم حلاقة الشعر ده سابت البيت وقالتلي مش عايزاك تكون ليك علاقة بشغلي، وأنا كدا كدا مليش علاقة بشغلها، قولتلها حاضر، وقعدت 15 يوما بعمل أغاني.
للخبر بقية في الأسفل.. ومن أخبارنا أيضاً:
"حسرة على الرجالة".. أحمد سعد يرتدي الخلخال ويثير غضب الجمهور! صورة
ايام سوداء.. ليلى عبد اللطيف تبكي على الهواء وتكشف ماسيحدث في الفترة القادمة وتصدم الجميع!
بعد أزمة شيرين عبد الوهاب الأخيرة مع حسام حبيب.. طارق الشناوي يكشف السر: ممكن تكون شخصية قطبية
بشرى تكشف عن السبب الذي سيجعلها تتخذ قرار الاعتزال؟!
بعد تعرضها لحادث سير مروع.. نشوى مصطفى تطمئن جمهورها على حالتها الصحية
"الغد أسود رح تكرهوا عيشتكم".. ليلى عبد اللطيف تعلن عن بدء تحقق توقعها الكارثي الذي كذبه الجميع!
محمد صلاح آدم يكشف تفاصيل تعرضه لـ حادث سير: الموت ممكن ييجي في لحظة
بشرى تفاجئ الجمهور وتعلن عن ارتباطها الثالث قريباً!!
وأضاف: قابلتها وبسمعها الأغاني وفي واحد صاحبي قاعد معانا في الاستوديو راحت معيطة عياط رهيب، وقالتلي أنت مش واخد بالك مني أنت أناني ومركز في نفسك، قولتلها مش أنتي اللي قولتيلي ملكش دعوة بيا، قالتلي حتى لو قولتلك كدا أنت فين شغفك عليا، واتسحبت من لساني قولتلها الأغاني اللي أنا عملتها استفذتك فنيا يعني؟.
واستكمل: شيرين عبد الوهاب زعقت شوية، بعدها دخلت أنام وصحيت ملقتهاش في البيت، فضلت أدور عليها 3 أيام معرفش هي فين، لحد ما اكتشفت أنها قاعدة في أحد الفنادق عند حد مش هعرف أقول اسمه، ومع ذلك الشخص ده كلمني وقالي تعالى وصالحوا بعض.
وأكمل: روحتلها وأنا مضايق جدا بس قولت أروح ألم الموضوع وبعدين نتحاسب، والموضوع خلص، وبعدها واحدة صاحبتها قالتلي خد بالك من فلان مع إنه صاحبي، قولتلها ليه، قالتلي بيوقع بنيك وبين شيرين، وهي بتقول كدا شيرين كانت داخلة من الأوضة وقالتلي هو أنت جاي هنا تقرفنا، احنا قاعدين مبسوطين.
وختم حسام حبيب تفاصيل وكواليس حلاقة الشعر، قائلا: قولتلها أنتي بتتكلمي كدا ليه، قالتلي أنا أتكلم براحتي، قولتلها يا شيرين كملي اللي بتعمليه وسبينا نتكلم، راحت شتماني شتيمة جامدة، وحدفتني بحاجة، وقالتلي طلقني يا كذا، قولتلها بصي خشي ألبسي، ويلا هنروح نطلق، قالتلي أنا مش هنزل أنا شيرين عبد الوهاب يا بابا، قولتلها أنا بكلم شيرين مراتي، وزعقت وصرخت وقالت مش هنزل، سبتها وطلعت أقعد بره، ودخلت الحمام افتكرت أنها دخلت تغير هدومها، لاقتها حلقت شعرها، وقسما بالله وقعت على رجلي في الأرض وكان هيغمى عليا، وخرجت تقول للناس حسام حلقلي شعري.
ملحوظة: مضمون هذا الخبر تم كتابته بواسطة احداث نت ولا يعبر عن وجهة نظر مصر اليوم وانما تم نقله بمحتواه كما هو من احداث نت ونحن غير مسئولين عن محتوى الخبر والعهدة علي المصدر السابق ذكرة.
