” ضيعت سمعتنا في المنطقة بسبب لبسها ونظرة الناس ليها” بتلك الكلمات روي عمرمن أمام محكمة الأسرة عن زوجته التي تتعمد أثارة الشباب في المنطقة لسماع منهم المغازلات ولتري نظرات الأعجاب في أعينهم”.

بدأ عمر حديثه من أمام محكمة الأسرة :” انا ومراتي جوازنا كان رسمي وتقليدي جدا ولسة ربنا مرزقناش بأطفال وبحس دايما أنها عايزة تسمع كلام حلو طول الوقت وتحس بأهتمام ولما تلبس أو تعمل أي حاجة تبقي مستنياني أمدح واتغذل فيها بشكل مبالغ بيه وهي بتستمتع بده وبيبقي أحتياج عندها وأنا كنت بحاول علي قد ما أقدر أسددلها الأحتياج ده وكنت شايف أنه شئ طبيعي وأن كل الستات كدة بس ظروف الشغل وأني كنت بنشغل عنها طول الوقت كان مخليها عندها فراغ عاطفي بشكل كبير وخصوصا أنها طول اليوم قاعدة لوحدها وملهاش صداقات مع حد واهلها كمان عايشين في محافظة تانية “.

وتابعت :” مراتي مع الوقت لما فقدت الأمل فيا انها تلاقي معايا الاهتمام اللي هي محتاجاه بدأت تتصرف تصرفات غريبة في مرة رجعت من الشغل وملقيتهاش في البيت ولما أتصلت بيها قالتلي أنها راحت تشتري حاجات وراجعة ولما رجعت لقيتها لابسة لبس مكشوف جدا تلبسه واحدة ست لو مع جوزها في البيت زعقت فيها وقولتها أية اللي انتي لابساه ده وأزاي تنزلي الشارع كدة ؟ وهي في المرة الاولي قالتلي ” أنا كنت مستعجلة ولبست اللي لقيته قدامي وخلاص ” وانا سكت علي أساس أنها أخر مرة تتصرف تصرف زي ده “.

وأستكمل :” عدت الأيام وكنت فاكر ان مراتي هتنفذ كلامي ومش هتنزل الشارع بلبس زي كدة تاني لحد ما أتصل بيا جاري في مرة وقالي : مراتك كان معمول عليها حفلة في الشارع بسبب لبسها وفي شباب حاولوا يضايقوها وأحسنلك تلمها بدل ما هي سيرتها بقيت علي كل لسان” قفلت معاه فورا ورجعت البيت كان المتوقع ان لما واحدة متجوزة تتعرض لموقع زي ده في الشارع انها تكون مضايقة وتحكي لجوزها اللي حصل معاها لكن كانت المفاجأة اني حتي لما سألتها أنتي نزلتي في حتة أنهاردة أنها كدبت عليا وقالتلي ” أنا قاعدة في البيت طول اليوم و مروحتش في حتة “.

وأختتم :” بعد ما أكتشفت كدبها عليا والسمعة الوحشة اللي هي بقيت حطاني فيها وأنها ست بترضي بمضايقات الرجالة علي نفسها بس لمجرد أنها تحس أنها حلوة ومش هاممها سمعتها ولا سمعة جوزها قررت أنفصل عنها قبل ما حياتي معاها تكون جحيم في المستقبل أنا كنت ماشي معاها بما يرضي الله في كل شئ لكن هي أختارت تضيع النعمة من أيديها وحقي وعوضي عند ربنا “.