كشفت التحقيقات في واقعة تعدي عامل نظافة في مستشفى بالإسكندرية على طالبة بالصف السادس الابتدائي باستدراجها خلال خروجها من الدرس الخاص بها في منطقة خورشيد بعزبة زغلول والإمساك، وقيامه بتهديدها بالإيذاء في حال عدم الذهاب معه إلى منطقة مجهولة لمحاولة التعدي عليها.
الصغيرة ضحية استدراج عامل نظافة بالإسكندرية
وقالت الطالبة التي تبلغ من العمر 10 سنوات أمام جهات التحقيق بالمنتزه بالواقعة التي حملت رقم 9583 لسنة 2024: اللي حصل أن بتاريخ 2024/11/8 في حوالي الساعة 12:30 بعد الظهر أنا كنت لسه مخلصه درس تكنولوجيا ولقيت واحد ماشي ورايا فأنا ساعتها مديت شوية ولقيته من وريا وساعتها لقيته شدني من الجاكيت بتاعي وحط إيده على بوقي وساعتها أنا عيطت وقالي لو اتكلمتي مش هخليكي تشوفي بابا وماما تاني.
وتابعت الصغيرة في واقعة قيام عامل نظافة بالتعدي عليها: ساعتها شوفت عامل نظافة وشاورتله علشان يلحقني وهو ساعتها جه وقالوا مين دي والراجل قال العامل دي بنت أختي، قال لا أنت كذاب وساعتها الراجل ده طلع يجري وعامل النظافة طلع يجري وراه وأنا بعدها جريت وقابلت بنت كبيرة وقولتلها وديني عند أبويا وأنا ساكنة قريب من هنا وهي أخدتني وودتني لبابا وحكيتله على اللي حصل، والراجل ده حاول يخطفني، وقبل ما أقابل عامل النظافة كان بيحط إيده على مناطق حساسة.
واستكملت: ساعتها كنت ماشية مع الرجل ده على الطريق البطيء وعامل النظافة كان ماشي على الطريق السريع من الناحية الشمال والرجل ده كان حاطط إيده على كتفي ولما كنت بعيط كان بيسمح دموعي وساعتها عامل النظافة جه وكلم الراجل، قاله مين دي قاله دي بنت أختي قاله لا أنت كذاب وطلع يجري.
.
ملحوظة: مضمون هذا الخبر تم كتابته بواسطة بوابة المصريين في الكويت ولا يعبر عن وجهة نظر مصر اليوم وانما تم نقله بمحتواه كما هو من بوابة المصريين في الكويت ونحن غير مسئولين عن محتوى الخبر والعهدة علي المصدر السابق ذكرة.
