كشف مروان أحمد حسان، ابن القرنة بمحافظة الأقصر، والطالب في الصف الثالث بكلية طب الأسنان في جامعة الجلالة، وأحد الطلبة الناجين من حادث أتوبيس الجلالة، تفاصيل جديدة بالواقعة.
عرفت صاحبي من الجزمة بتاعته
وقال طالب جامعة الجلالة في تصريح لـ القاهرة 24: صاحبي اللي معايا في الأوضة، وأعيش معه منذ سنتين مات بجواري في حادث الأتوبيس ولم أستطع أن أنقذه، الأمر كان في غاية الصعوبة.وأضاف: أصبت جراء الحادث بكدمات في قدمى، وتحاملت على نفسي ومشيت عليها بحثا عن صاحبي محمد شعيب، والذي كان بجواري، حيث لم أجده.
خروج مروان من المستشفىوواصل: للأسف لم أتعرف على وجه صاحبي المشهد كان صعب.. عرفته من الجزمة اللي كان لابسها.
مروان ابن الأقصر والناجي من حادث اتوبيس الجلالةوتابع: أول لما عرفت إن ده صاحبي اللي عايش معايا في نفس الأوضة من سنتين، جاتلي صدمة عصبية وفقدت النطق، وبعدها أغمى عليا، وأصبت بحالة تشنجات وتم نقلي إلى مستشفي السويس.وأوضح مروان: أكبر دليل إن السائق كان ماشي بسرعة، إن الأتوبيس انقلب 3 مرات عشان يقف، ومفيش حد وقفه غير الرصيف، ومش هنسامح أبدا في دم أصحابنا.
الناجي من حادث جامعة الجلالة: عاوز أطمن أهل بلدي عليا
واختتم مروان: أنا كل اللي طالبه دلوقتي تطمنوا أهلي، إني خرجت من المستشفى وبقيت كويس، لأن لسه مرجعتش الأقصر، وناس كتير بتبعتلى رسائل حابة تطمن كل الناس قلقانة، وحابب أطمنهم الحمد لله أنا بخير.
