كتب الأمير نصرى
الأحد، 23 مارس 2025 05:50 معرض إسلام فوزى، مقدم برنامج "استلام فورى" المذاع على قناة cbc :سؤال لأحد متابعى البرنامج وهو محمود ويقول إزاى صناع الدراما بيجسدوا الصحفى فى المسلسلات؟
وأجاب إسلام فوزى بسخرية وأسلوب كوميدى:" هما بيطلعوا عينه تحس غنه المحقق "كونان" مش صحفى علشان يكتشف الغامض والمثير، ودايما تلاقيهم يلبسوه نضارة نظر، ولو نظره قوى يلبسوه نضارة قراية، ولازم يبقى صحفى حوادث وتحقيقات علشان يشقى ويلف طول المسلسل، يعنى انت عمرك شفت صحفى فن فى المسلسلات؟ موجودين على السوشيال ميديا بس.
تابع إسلام فوزى، :"مستحيل تلاقى الصحفى قاعد على مكتبه يكتب خبرين ويمشى، ولا طالع لايف من قدام افتتاح معرض، وفى مهرجان بيسأل فنان عن آخر أعمالها، لكن لازم يطلعوه كادح فى الحياة وكل هدفه إنه ينخور ورى تاجر مخدرات أو تاجر آثار أو سلاح".
وقبل ذلك اطلق بودكاست إسلام فوزي يكشف أسرار السوشيال ميديا بروح شبابية تناسب طبيعة الأجيال الشابة في التعامل مع المحتوى الإعلامي على المنصات الرقمية، ويقدم باقة متنوعة من الموضوعات الشبابية، ويقدم بخفة ظل روحًا جديدة للبرامج الاجتماعية ذات تصنيف "اللايت كوميدي".
ملحوظة: مضمون هذا الخبر تم كتابته بواسطة اليوم السابع ولا يعبر عن وجهة نظر مصر اليوم وانما تم نقله بمحتواه كما هو من اليوم السابع ونحن غير مسئولين عن محتوى الخبر والعهدة علي المصدر السابق ذكرة.
