أكد الرئيس عبد الفتاح السيسي؛ أن قلق الشعب
المصري بشأن قضية السد الإثيوبي مشروع لافتا أن الدولة المصرية تتعامل مع الأمر
وفقا للمخططات الموضوعة.

وقال السيسي خلال كلمته في المؤتمر الأول للمشروع
القومي حياة كريمة: “قلق المصريين مشروع وعايز أقولكم مش أنتوا أمنتوني عليها؟
وبقول يارب يعيني على الأمانة؛ القلق مشروع ولما أتكلمنا في الموضوع مع الإثيوبيين
والسودانيين كنا بنكتلم أننا عايزين نهر النيل للشراكة والخير وقلنا وأكدنا أحنا
مش عايزين الخير لينا لوحدنا والكلام اتقال في كل المناسبات وزي ما بتقولوا السد هيوفر
التنمية والكهرباء لإثيوبيا إحنا معاكم في كل شيء لرفاهية الشعب الإثيوبي والشعب
السوداني والشعب المصري جنبا إلى جنب”.

وأضاف: “عايز أقولكم على حاجة إذا كان
عندنا ثقة في الله أو أنفسنا فالهدم والتخريب استثناء والبناء هو الأصل كنا بنقول
دايما مستعدين لنقل الخبرات في الكهرباء والإنتاج الزراعي وقلنا إن الخبرات اللي
عندنا متوفرة لكل إخواتنا في السودان وإثيوبيا والقارة الأفريقية بشرط أن محدش
يقرب من الماية بتاعه مصر”.

وأضاف: “أنا برجع الأمور لبساطتها ومصر
لا تسعي للتهديد لكن بتقول تعالوا نتعاون مع بعضنا واتفقنا أننا نقبل التنمية مع
الوضع والتأكيد على أنه لا مساس بالماية الخاصة بمصر”.

وتابع: “الكلام بيتقال إننا مش هنقرب من
ماية مصر وإحنا قلنا عايزين اتفاق قانوني ملزم بين الدول الثلاث فيما يخص ملء وتشغل
السد وتحركنا الأخير في المجلس الهدف منه وضع الموضوع على أجندة المجتمع الدولي
الموضوع مترتب كويس ومش وليد اللحظة”.

وواصل: “في كلام مش هقدر أقوله والكلام
هو الاعداد اللي إحنا بنعده جوة بلدنا احنا بنعمل مشاريع لتوفير الماية عشان نبقي
خدنا بالاسباب تبطين الترع أترصد ليها 60 مليار جنيه لتوفير الماية ومحطات
المعالجة بنقول للأخرين انتوا تعيشوا واحنا هنعيش ومصر دولة كبيرة”.

وأوضح: “لا يليق بنا أن نقلق أبدا لما
بلاقي القلق بقول ليهم حق ولكن المبالغة في القلق بقول احنا مش كدة لازم احسب
كلامي وتصرفاتي بميزان من دهب مستقبل البلاد والشعوب بالعمل في كل اللي فات
منجحناش الا واحنا معا أي نحدي لا يمكن أن ننجح فيه ألا لو كنا على قلب رجل واحد”.

واختتم: “كلامي تعالوا نعمل اتفاق ملزم
ونعيش كلنا في سلام وأمان وقبل ما يحصل حاجة في مصر لازم أنا والجيش نروح الأول قبل
ما تحصل حاجة”.