كتب محمد عبد العظيم
السبت، 12 أكتوبر 2024 03:16 مأكد الرئيس عبد الفتاح السيسي أن الدولة حرصت بشكل كبير على تطوير قطاع السكة الحديد بشكل كامل، متابعا: "نجيب حال السكة الحديد في مصر.. سواء محطات أو خطوط أو وحدات.. بنتكلم عن القطاع كله أهمل وأهمل ده مش عيب.. دي كانت ظروف بتمر بها البلد.. نعملها وتبقي الظروف الاقتصادية صعبة ولا مش بعملها.. دي تالت مرة اقولها".
وأضاف الرئيس السيسي خلال كلمته في افتتاح مشروعات جديدة في قطاع النقل منها محطة قطارات الصعيد في بشتيل: "كنا عارفين أن فيه معاناة بسبب اللى بنعمله.. نفضل زي ما إحنا والبلد تكون بلا مستقبل.. لا لينا ولا أبنائها والاحفاد مش يلاقوا حاجة.. دي أساسيات لا يمكن إغفالها أو تأجليها ابدا.. يادوب بنحط الدولة علي الخط.. الدكتور مصطفي مدبولي بيقولي "أول الطريق".. أمال إحنا كنا فين".
وتابع الرئيس السيسي: "لما تعيشنا مع حالنا على مدي السنين اللى فاتت تصورنا أن ده الطبيعي.. وده مكنشي طبيعي خالص بأي حال.. وإحنا منعرفشي كمسئولين أمام الله اللى هيحاسبنا أننا نبقي فاهمين حاجة ومش بنعملها ونكون خايفين على أن الناس تقول ظلمونا وتعبونا.. لا إحنا بنتعب لأجل بكرة".
ملحوظة: مضمون هذا الخبر تم كتابته بواسطة اليوم السابع ولا يعبر عن وجهة نظر مصر اليوم وانما تم نقله بمحتواه كما هو من اليوم السابع ونحن غير مسئولين عن محتوى الخبر والعهدة علي المصدر السابق ذكرة.
