"في ظل ضغط الدراسة.. يا ترى لسه أمهات فيكم بتعمل أنواع حلويات للأبناء علي الأقل مرة أو مرتين في الأسبوع.. احكولنا خلونا نتعلم من بعض"، بهذه الكلمات وجهت عبير أحمد مؤسس اتحاد أمهات مصر للنهوض بالتعليم، وائتلاف أولياء الأمور، حديثها لأولياء الأمور من الأمهات.

وقالت عبير، في تصريحات صحفية، إن قيام الأمهات بعمل أنواع من الحلويات والأكلات لأبنائهم داخل المنزل بشكل دوري، حافز وداعم كبير لهم، لما ينعكس علي روحهم الإيجابية داخل الأسرة والدراسة، وكذلك صحتهم النفسية والبدنية بشكل عام، داعيه جميع أولياء الأمور علي تشجيع أبنائهم بشكل مستمر.

وتفاعل عشرات الأمهات من أولياء الأمور علي صفحة اتحاد أمهات مصر للنهوض بالتعليم، وائتلاف أولياء الأمور، في الفيسبوك، حيث قالت ولي أمر: "عملت كيك  ورز باللب، أولادي طلبوا مني معايا ثالثة إعدادي وأولى إعدادي ورابعة إبتدائي، دعواتكم".

وأضافت ولي أمر: "من بداية الدراسة معملتش غير صينية كيك، بس في واحده بتعمل بسكويت بيمبو وبتغلفوا بشكل لطيف بجيب منها وبحطه في اللانش بوكس"، واستكملت ولي أمر أخري: "أنا عملت بسبوسه وكده حلو اووى عشان معندناش مفاصل الله يقويهم ويقوينا يارب".

"هي مرة في الأسبوع، بسبوسة، كيكة شوكلاتة، رز بلبن، كريم كراميل  دي أكتر حاجات بيطلبها"، تضيف ولي أمر أخري: "بحاول أعمل لهم حتى لو فروت سلاد"، وأضافت أخري: "بصراحة من بداية الدراسة وأنا مش بعمل أي شئ إلا إني أحاول افهم اللي بيحصل، بس النهارده عملت بان كيك علشان بنوتي تاخده معاها المدرسة".

وتابعت أخري: "أنا كمان أول مرة من ساعة الدراسة أعمل حاجة النهاردة بسبب الضغوط فى المذاكرة والتقييمات والواجبات، النهاردة عملت كيك بالكريم كراميل".