اسعار الذهب رجعت ترتفع تاني في مصر وسعر الجرام حاليا قرب من الـ5 الآف جنيه.. ياتري اية حكاية الارتفاعات دي.. وامتي الذهب هيوصل سعره لـ5 آلاف جنيه.. وله الذهب بيزيد بالارقام دي كلها في مصر.

اسعار الذهب في مصر واحدة من ابرز الالغاز اللي موجودة في الساحة خصوصا ان السوق المصري وخصوصا سوق صرف العملات الاجنبية قدام الجنيه المصري مستقرين من فترات بعيدة، واسعار الذهب خلال اسابيع قليلة جدا ارتفعت باكثر من 500 جنية للجرام عيار 21 واللي هو معروف بأنه الأكثر مبيعا في السوق المصري خصوصا في المحافظات والقري والصعيد.

طيب اية هيا اسباب ارتفاع اسعار الذهب في مصر ؟.

الذهب واحد من الحاجات اللي سعرها في مصر مرتبط بالسعر العالمي للمعدن الأصفر واللي مؤخرا شهد زيادات كبيرة جدا بسبب التوترات الاقتصادية والتجارية بين قوتين من اكبر القوي الاقتصادية في العالم وهما الصين والولايات المتحدة الأمريكية، بسبب فرض الرئيس الامريكي دونالد ترامب لرسوم جمركية كبيرة جدا علي البضائع الواردة للسوق الامريكي، والصين ودول الاتحاد الأوروبي تعهد بالرد علي الرسوم الجمركية الأمريكية بالشكل المناسب.

التوترات الاقتصادية دي عملت ربكة كبيرة جدا في حركة التجارة الدولية واللي متوقع أنها تشهد ارتفاعات كبيرة في الأسعار بسبب الرسوم الجمركية الاخيرة اللي فرضتها الولايات المتحدة الامريكية واللي الصين وباقي دول الاتحاد الأوروبي وعدوا بالرد عليها.
شعبة الذهب اتكلمت عن الزيادات الأخيرة في اسعار الذهب وقالت أنها زيادة طبيعية بسبب الزيادات الأخيرة للمعدن الاصفر علي مستوي العالم، وقالت كمان ان الأسعار مرشحة للاتفاع باكثر من كده بعد ما سعر الجرام عيار 21 وصل لـ4200 جنية، وده اعلي سعر للذهب علي مدار تاريخه، وممكن في وقت قريب جدا نشوف اسعار الذهب قريبة من 4500 جنية.

الشعب نصحت المواطنين اللي بيستثمروا فلوسهم في الذهب بالتاني في البيع خصوصا أن الاسعار مرشحة للزيارة في الفترات اللي جاية بسبب استمرار التوترات الاقتصادية العالمية، ده غير اتجاه عدد كبير من البنوك المركزية في العالم لتحويل جزء كبير من احتياطاتها النقدية الي بنك بسبب التوترات الأخيرة خصوصا أن الذهب بيعد من افضل الاوعية الأدخارية في العالم كله.